Små skolar og kortreiste elevar
DOI:
https://doi.org/10.60725/whq0-hz59
ISBN (print)
ISBN: 978-82-7518-296-6
ISBN (digital)
ISBN: 978-82-7518-298-0
Publisert
2025
Opphavsrett
Marit Solstad, Nord universitet
Karl Jan Solstad, Nordlandsforskning
Lisens
Dette verket er lisensiert under Creative Commons Attribution 4.0 International
Små skolar og kortreiste elevar
– Til det beste for elevar, bygdesamfunn og land
Stadig nye skolar trugast av nedlegging i møte med ein svak kommuneøkonomi og ulike meiningar om kva som gjev kvalitet i opplæringa. Denne boka gjev ei framstilling av endringar i skolestrukturen i Noreg med vekt på skoletilbodet i distrikta.
Boka får fram korleis læreplanar og styring av skolen påverkar skolestruktur, og ho presenterer forsking på saker som kjem opp når det er snakk om nedlegging av skolar. Dette gjeld økonomi, elevane si faglege og sosiale læring, helse og skoleskyss, skoledrift under trussel om nedlegging og skolen si rolle for bygd og busetting. Ved å trekkje på konkrete utgreiingar av skolestruktur i nokre kommunar, får lesaren eit autentisk innblikk i dilemma og krevjande avvegingar i lokalsamfunnet. Boka får vidare fram korleis dagens læreplan (LK20) opnar for å kunne utnytte dei små skolane sine fortrinn, samtidig som ho synleggjer strukturar som kan føre til at dette potensialet ikkje blir utnytta.
Samla gjev boka eit heilskapleg perspektiv på små skolar i pressa kommunar. Tematikken er i dag aktuell i store delar av landet når stadig større skolar i større kommunar og i fylkeskommunar opplev trusselen om nedlegging. Reiseveg og skolens plass i lokalsamfunnet gjeld alle.
Boka rettar seg mot alle med interesse for barns skole- og oppvekstvilkår, så som lærarar, studentar, politikarar og foreldre.
Papirutgaven av boken kan kjøpes hos alle bokhandlere i Norge samt i vår webshop:
Forfatterprofiler
-
Marit Solstad er førstelektor ved Fakultet for lærarutdanning ved Nord universitet, der ho underviser i pedagogikk og samfunnsfagsdidaktikk. Ho har erfaring med forskings- og evalueringsarbeid knytt til språk- og skolesituasjonen for urfolk i Guatemala og Noreg i rolla som stipendiat i sosiologi ved Nord universitet, og som forskar ved Nordlandsforskning.
-
Karl Jan Solstad, Dr. Philos, har gjennom eit langt liv vore opptatt av eit likeverdig grunnskoletilbod i distrikta. Han har drive med eit omfattande forskings- og evalueringsarbeid på feltet i rolla som professor ved Universitet i Tromsø, som skole-/utdanningsdirektør i Nordland, og til slutt som seniorforskar ved Nordlandsforskning. Han har ei rekke nasjonale og internasjonale publikasjonar, mellom anna Riksskole i utkantstrok (1978), Equity at Risk (1997) og Bygdeskolen i velstands-Noreg (2009) og har vore professor II ved Høgskolen i Nesna.
